جاهز لرمضان ولا لأ ❓
الرسول عليه الصلاة والسلام بيقولنا 👇
( مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ )
رواه البخاري ومسلم
جاهز إنك تقوم ٣٠ ليلة من غير ما تقطع و لا ليلة❔
جاهز لليلة خير من ألف شهر من حرمها فقد حرم الخير كله ❗️
ليلة محدش هيفوز بها غير اللي هيستعد لها 👌
خايف على رمضان؟ خايفة على رمضان؟
خايفة على الثلث الأخير من الليل و تنزل الملك سبحانه وتعالى ؟
خايف على ستين دعوة مستجابة ؟
خايفة على ستين فرصة للعتق من النار؟
خايف على باب الريان؟
خايف على ثواب التهجد والصيام و القيام ؟
خايفة بجد على ثواب رمضان ومضاعفة الحسنات؟
خايفين يا جماعة على رمضان❔❔
هتتأخروا عن الاستعداد لرمضان لحد إمتى ❓
إحنا لازم نستعد لرمضان من دلوقتي
كم رمضان ضاع بسبب إننا مستعديناش له❓
عايزين السنة ديه نقضي على المشهد الأليم اللي بيحصل في الأمة أول ليلة بعد رمضان
الأمة كلها و العياذ بالله إلا من رحم الله المعاصي بتنتشر فيها إنتشار النار
في الهشيم والحفلات الفاجرة والمخدرات والخمور كل ده بسبب إيه❔
بسبب إن الأمة مارمتش الأساس قبل رمضان
فكل اللي ارتفع في رمضان من العبادة مكنش له أساس
فبيقع مع أول فتنة و أول مغريات بعد رمضان 👎
عايزين نرمي أساس حقيقي في رجب و شعبان 💪
علشان بجد رمضان يبقى تعلية لبناء الدين في حياتنا بإذن الله سبحانه وتعالى
تخيل لو جاء رمضان و أنت جاهز،
تخيلي لو رمضان جاء و فتحت أبواب الجنة وأنتِ واقفة على باب الجنة،
القطر جاء وأنت واقف على المحطة ركبت ودخلت الجنة فورا 🌱
القطر مبيستناش حد ✋
استعد بالشحن و التوبة و العبادة 👍
علشان تعيش رمضان صح و يكون رمضانك بإذن الله 👇👇
#رمضان_في_الجون 🥅🏐 (البوست 1)
#الشيخ_حازم_شومان